Plantun de Prouvènço

Pèr coumpara dos planto d'encò nostre

Elodea canadensis & Oenothera glazioviana

Elodea canadensis

Hydrocharitaceae

Noms en français : Élodée du Canada, Peste-d'eau.

Descripcioun :
L'éloudèio-dóu-Canada, que nous vèn de l'uba de l'Americo desèmpièi 1845, trachis en coulounìo dins l'aigo tranquilo. Se recounèis à si fueio groupado pèr tres, longo de 5 à 12 mm e un pau torso vers lou bas. Au nostre, i'a soulamen de flour femello, pourtado pèr un long pecou, mistoulino, blanco e roso. Coumpara emé l'eloudèio-espesso que ié sèmblo proun, mai si fueio soun groupado pèr mai que tres (en aut di cambo).

Usanço :
Es uno planto envahissènto dins d'ùni relarg, mai pas gaire au nostre. Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 100 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Elodea
Famiho : Hydrocharitaceae

Ordre : Alismatales

Coulour de la flour : Blanco
Petalo : 3
Ø (o loungour) flour : 1,5 cm
Flourido : Printèms - Estiéu

Sòu : Ca
Autour basso e auto : 0
Aparado : Noun
Remarco : Planto envahissènto
Jun à avousT

Liò : Aigo - Lono - Roubino - Ribiero
Estànci : Termoumediterran à Mountagnard
Couroulougi : Óurigino Americo-Nord
Ref. sc. : Elodea canadensis Michx., 1803

Rougeto(di-gràndi-flour)

Oenothera glazioviana

Onagraceae

Autre noum : Erbo-dis-ase.

Nom en français : Onagre à grandes fleurs.

Descripcioun :
La rougeto-di-gràndi-flour trachis majamen dins lou limas en ribo d'aigo ounte flouris au printèms, es à dire mai d'ouro que si cousino (coume Oenothera biennis que flouris en estiéu). Se recounèis eisadamen à si petalo mai grando (45 mm), à si boutoun mai prim, sa coulour mai roujo e subretout à soun estigmate en crous, pu long que lis estamino (fotò).

Usanço :
Soun óurigino s'atrouvarié dins un mestissage (ibridacioun) dins un jardin en Éuropo e se sarié espandido dins lou mounde. A li mémi prouprieta que la rougeto, Oenothera biennis.